Ky është rregull i përcaktuar nga postat ndërkombëtare, me të cilat Komisioni Qendror i Zgjedhjeve do të bashkëpunojë për t’u dërguar zarfin me fletën e votimit shtetasve shqiptarë që jetojnë jashtë vendit.
Nëse postieri nuk e gjen personin që do të votojë në adresën e deklaruar, ai ka si detyrim të bëjë 3 tentativa për ta dorëzuar këtë dokument.
Zarfin mund të merret vetëm pasi të jetë firmosur.
Por partitë politike duket se nuk janë të kënaqura, për këtë arsye do të bëjnë një tentativë për të bërë një marrëveshje me postat ndërkombëtare.
Fletët e votimit pritet të dërgohen në diasporë në 10 Prill, ndërsa mbërritja e tyre duhet të bëhet deri në orën 19:00 të datës 11 Maj. Partitë politike kanë fituar të drejtën për të pasur një vëzhgues për të ndjekur nga afër procesin e mbërritjes së fletëve të votimit, që nga aeroporti i Rinasit e deri të grumbullimi i tyre në Parkun Olimpik.
Brenda fletës së votimit do të jetë edhe një udhëzues në mënyrë që emigrantët të ushtrojnë të drejtën e votës në mënyrë korrekte dhe të shmanget sa më shumë pavlefshmëria e tyre.
Klan News
