Njëri prej rekrutëve që formoi shqiponjën me duar gjatë kohës që ishte në ushtrinë greke, ka folur për herë të parë lidhur me incidentin e shkaktuar.
Në një intervistë për televizionin “Star”, 23 vjeçari ka treguar gjithçka lidhur me rrethanat e shkrepjes së fotos.
Sipas tij çdo gjë nisi me shkaka dhe nuk ia mori mendja se fotografia do publikohej në rrjete sociale.
“Unë jam krenar që jam shqiptar, por jam gjithashtu krenar që po bëj ushtrinë këtu. Në ishim të gjithë minoritar, asnjëri nuk ka dokumente greke.”- ka thënë 23 vjeçari.
Televizioni “Star” ka vëzhguar edhe profilet e rinjve në Facebook për të gjetur ndonjë lidhje me organizata që synojnë rilindjen e nacionalizmit, por nuk ka gjetur asgjë.
Ndër të tjera ushtari ka pranuar se nëse do ishin fotografuar me flamurin shqiptar edhe mund të përbënte shkelje, por formimi i shqiponjës me duar nuk tregon asgjë.
“Ne mirë që ishim vetëm shtatë, se mund të ishim bërë edhe 400 veta, por çe do që ishim duke luajtur futboll dhe nuk u mblodhëm dot”- është shprehur ai.
“Jam penduar më tepër për të afërmit e mi që qanin gjithë ditën nga frika mos më ndodhtë ndonjë gjë”- ka deklaruar i riu shqiptar./opinion.al
