Fqinjët e familjes Beqja kanë mbetur të shokuar nga “marifeti” që kishte përdorur 27-vjeçarja. Ata shprehen se e njihnin për vajzë të urtë, ndërsa janë habitur me ndryshimin drastik të jetesës së saj dhe familjes Beqja.
“Tila (Enertila) njihet për vajzë e urtë. U habitëm kur pamë që e mori policia. Nuk kishim kuptuar asnjë gjë deri në momentin që lajmi u bë publik në media. Kishim konstatuar se diçka nuk shkonte, por ajo thoshte që ishte fejuar dhe mendonim se ndryshimi ekonomik kishte të bënte me të fejuarin. Ne i njohim mirë, pasi kemi vite komshinj. Ata janë një familje e varfër. Kishin vetëm dy dhoma para dy vitesh dhe dy vitet e fundit shtuan edhe dy dhoma të tjera, duke ngritur një shtëpi të këndshme. Tila nuk para dilte nga shtëpia, më shumë rrinte e mbyllur. Kishim parë që veshjet e saj kishin ndryshuar, por mendonim se ia dërgonte i fejuari nga emigrimi. Na kishte thënë që ishte fejuar me një djalë, po s’kishim parë asnjë njeri të vinte në shtëpinë e tyre. Nuk dimë çfarë të themi, kemi mbetur të shokuar nga kjo ngjarje, pasi nuk e njohim për të tillë”, thanë fqinjët e familjes Beqja për gazetën.
Deshmia e Tilës
Enertila Beqja ka deklaruar se nuk kishte qenë qëllimi për ta zhvatur 30- vjeçarin, por nuk mund t’i dilte në takim pasi ai mund të zhgënjehej nga pamja e saj.
Ajo ka pohuar se i dashuri i saj virtual mendonte se në foton e profilit ishte pikërisht ajo, ndërkohë që 27- vjeçarja fshihej pas bukurisë së një aktoreje venezueliane.
Pas arrestimit, ajo ka treguar me detaje historinë, duke u shprehur se fillimisht ka pasur qëllime të lidhej me djalin, por gënjeshtra me fotografinë ka bërë që ajo të mos merrte guximin për ta takuar përballë, e bindur se ai do të zhgënjehej dhe do ta braktiste.
“Kisha frikë se më linte, prandaj kjo histori përfundoi kështu”, është shprehur ajo në Polici.
*Shtëpia e 27 vjecares
