Themeluesi i labelit ” Ultra Music”, ka folur ekskluzivisht në një intervistë për Billboard për këngëtaren kosovare, Era Istrefi.
Patrick Moxey ka thënë se me Erën është njohur fillimisht në rrjetet sociale, ku kënga e saj “BonBon”, u përhap në mënyrë virale dhe njerëzit e cilësuan këngëtaren shqiptare si një miks mes Rihannës dhe Sia-s.
“Më vjen mirë që e krahasojnë me Rihannën dhe Sian, por kënga e saj është sa moderne aq dhe orientale”, ka thënë Moxey i cili është shprehur se menjëherë ra në kontakt me menaxherin e labelit “Nesër”, Faton Shoshi ( i cili menaxhon Erën) dhe fluturoi drejt Kosovës për të takuar Erën dhe Fatonin.
Ai e konsideron shumë të veçantë faktin që Era këndon gjysëm shqip dhe gjysëm anglisht.
“Isha shumë i lumtur kur u takova me të. Të gjitha pyetjet që ajo më bënte ishin rreth muzikës, veshjeve, si duhej të përmirësohej, lëvizjeve koreografike, etj. Kuptova që ajo kishte një pamje, që ngjante shumë me ato të huajat, vijon rrëfimin Patrick Moxey.
Por cilat janë projektet që e presin Era Istrefin me Ultra Music?!
Themeluesi i këtij labeli, Patrick Moxey thotë se ata nuk do të mjaftohen vetëm me një këngë me Erën. Në prill ata do ta ftojnë në Los Angeles dhe ajo do të punojë me një numër të madh tekstshkruesish e kompozitorësh, për të realizuar albumin e saj…
Me pak fjalë artistja stil shqiptare “është duke jetuar ëndrrën e saj”.
Përktheu :Suada Daci
