“Unë e kuptoj shumë mirë, se cilido që më njeh mua, personalisht ose jo, përfshirë familjen time, miqtë është i shtangur nga lajmet që bëhen publike e sidomos nga përfshirja e emrit tim.
Ashtu sic kuptoja mediat dhe gazetarët që presin përgjigje prej meje. Sic kuptoj dhe kundërshtarët e mi në opozitë, që për herë të poarë as do i kundërshtoj dhe as do i akuzoj, që përdorin pallavrat e një krimineli… Kam punuar, që t’i luftoj kriminelët.”
Ish- Ministri i Brendshëm Saimir Tahiri ka reguar për herë të parë publikisht pas akuzave që e lidhën emrin e tij me trafikun ndërkombëtar të drogës, pas arrestimit të një grupi shqiptarësh në Sicili pasditen e së hënës.
Mediat italiane publikuan më pas, përgjimet e kryera ndaj Moisi Habilajt, njërit prej të ndaluarve nga policia e shtetit fqinj. Nga përgjimi rezultoi , se një prej emrave që Habilaj përmend me bashkëpunëtorin e tij, është ai i Saimirit, të cilit Habilaj i duhet t’i japë 30 mijë euro për ngarkesën.
Në dokumentat e dosjes të publikuara nga mediat sot, ish-ministri citohet me emër dhe mbiemër:
Hetuesit italianë bëjnë një përmbledhje të kësaj bisede.
“Të dy flasin për një person me pushtet me emrin “Saimir Tahiri” (deputet i Shqipërisë) njeri i politikës. Moisiu thotë: Çfarë ka më shumë se ne ai? Por Sabi (Sabaudini) i përgjigjet duke i thënë që Saimiri ka vetëm emrin (në kuptimin e famës, pozitës), por nuk beson që ka më shumë para se ata. Moisiu bën llogaritë sipas të cilave Saimiri në një muaj ka bërë minimumi 5 milionë euro. Sabi i thotë që të gjitha ato para ai i harxhon në fushatën elektorale. Por Moisiu i thotë që atij nuk i mjaftojnë as 20 milionë në një fushatë elektorale”, thonë hetuesit italianë.
