Demiral Ibashi, milioneri 23-vjeçar nga Kumanova, i cili jeton në Stamboll dhe ka darkuar me një nga aktoret turke më të njohura, Nurgul Yesilçay ose e njohur ndryshe si Gylseren, jep detaje nga takimi i tij në një intervistë për “Panorama Plus”.
Në media u fol shumë dhe për një lidhje intime mes tyre, por ja çfarë thotë ai: ” Ne jemi miq dhe asgjë më shumë. Fotot kanë qenë në profilin tim privat dhe nuk e di si kanë përfunduar në portale. Nurgul është mikeshë e imja prej shumë vitesh”.
I pyetur se si është njohur me të dhe për më shumë detaje nga darka, Demirali thotë se ai jeton në Stamboll prej shumë vitesh, me Nurgul del shumë shpesh sepse është mikesha dhe personi më i mirë që ka takuar në Turqi.
Ai gjithashtu shton se njeh shumë aktorë të tjerë serialesh sepse e lidh puna. Ai e cilëson Gylserenin si një njeri shumë pozitiv, një femër të gjallë dhe të papërsëritshme. Gjithashtu ai nuk preferon të japë shumë detaje për veten, por thotë se do të ‘shpërthejë’ shumë shpejt në profesionin ku ka ëndërruar gjithmonë.
