Nëna e 23-vjeçares që humbi jetën në një aksident tragjik pas mesnate në autostradën Tiranë-Durrës, Rozafa Glloga ka rrëfyer momentin e komunikimit të lajmit tragjik.
Glloga ka rrëfyer për “BalkanWeb”, se vajza po ikte në Itali, pasi kishte shkuar për të punuar dhe jetonte atje.
Mes lotëve dhe dhimbjeve, ajo tregon se nuk ishte në dijeni të faktit se çfarë problemi ka pasur vajza kur ishte kthyer nga rruga dhe nuk ishte nisur në Itali.
Nëna tha se 23-vjeçarja ishte e martuar, por jetonte me familjen e saj dhe se i ndihmonte financiarisht.
“Vajza ime shkonte herë pas here në Itali pasi shkonte punonte me shoqët. Kjo ishte hera e 4 që po shkonte. Kishte me vete 600 euro dhe garancinë. Nuk e di ca problemi pati që nuk u nis në Itali. Lajmin e vdekjes e kanë mësuar shoqet e saj që jetojnë në Itali pasi e panë në televizor. Në mëngjes na njoftuan ne. Vajza ishte e martuar por jetonte tek ne, na ndihmonte financjarisht pasi jemi të varfër. Unë punoj në fshesë turni i 3 çdo natë”,- tregoi Glloga.
