Policia italiane ka zbardhur vrasjen 49 vjeçarit shqiptar me iniciale HT nga 52 vjeçari italian Alesandro Palermiti mbrëmjen e së enjtes. Xhelozia për të shoqëen e kishte detyruar italianin të përgjonte çdo lëvizje të saj.
Mbrëmjen e së enjtes bashkëshortja e tij 47 vjeçare, Rosina Rici e cila punonte si kameriere, u takua pranë një fabrike me të dashurin e saj shqiptar. Pas kësaj Palermiti është sulur me thikë shqiptarit duke e goditur 4 herë dhe duke e lënë të vdekur pak metra larg makinës “Mercedez”.
52 vjeçari më pas detyroi bashkëshorten të hipte në makinën e tij, por jo shumë larg vendngjarjes u ndesh me një patrullë policie që I bëri shenjë të ndalonte..Pasi nuk iu bind tabelës së policisë, karabinierët u vunë në ndjekje të 52-vjeçarit duke e arrestuar me duart me gjak.
Mediet italiane raportojnë se Palermiti donte të vriste dhe bashkëshorten. Sipas tyre të tronditur për këtë ngjarje kanë mbetur dhe dy vajzat e çiftit të cilat janë studente në universitet.
Tv Klan
