Cristi Sapunaru, mbrojtësi veteran i Rumanisë, është përpjekur të gjejë arsye për humbjen e Rumanisë.
Kështu shkruan sot e përditshmja sportive rumune “Pro Sport”
“Mendoj që e dëshiruam shumë fitoren dhe kjo na bllokoi”, thotë Sapunaru.
Rumania ka humbur në mënyrë surprizuese ndaj Shqipërisë, me rezultatin 0-1, një kombëtare me të cilën nuk njihte humbje që nga viti 1948.
Ish-mbrojtësi i Portos Sapunaru shton
“Besoj që e deshëm shumë këtë fitore por arritëm vetëm të zhgënjejmë, familjet tona dhe te gjithë rumunët. Kishim raste për të shënuar, por topi nuk u bind. Mëkat, kam punuar për të arritur këtu. Nuk e di nëse do të jem në vazhdim në Kombëtaren e Rumanisë”, thotë Sapunari për Pro Tv.
