Portieri, që kaloi gjithë karrierën e tij te Real Madrid deri në pikën që bëri 500 ndeshje në mbi 16 sezone, i duhej të largohej në korrik të 2015, me familjen e tij që atë kohë pretendonte se presidenti Florentino Perez e kishte zbuar nga “Santiago Bernabeu”. Por këtë vit 35 vjeçari ka kapur një formë që të kujton vitet e arta te Real. “E dija që kohës time te Real po i vinte fundi në shkurtin e 2015,” kujton ai. “Atmosfera nuk ishte e mirë. Menduam shumë se çfarë duhet të bënim, dhe gjëja më e mirë ishte të largohesha nga Real Madrid. Mendoj se kishte ardhur momenti,” vijon Casillas.
“Kisha menduar të largohesha që kur fituam Champions League në 2014. Në bazë të rrethanave Madrid vendosi të mbante Diego Lopez në formacion, por atmosfera ishte e çuditshme.” Pasi u largua nga ekipi i tij i fëmijërisë, Casillas kaloi një periudhë jo të mirë, duke humbur edhe formacionin në përfaqësuesen e Spanjës. Por Casillas insiston se ka bërë lëvizjen e duhur. “Distancimi nga Spanja më ka bërë mirë. Nuk jam dorëzuar, por për të shmangur problemet, u largova.”
