Drejtori i spitalit të Pukës, Enver Sulejmani, ka folur mbi gjendjen shëndetësore të fëmijëve dhe gjyshërve të familjes Ndoi. Sipas tij, 4 fëmijët e moshës 15 , 13 , 12 e 11 vjeç ndodhen në Spitalin e Pukës me djegie të lehta kryesisht në duar, ndërsa çifti i të moshuarve nuk ka marrë dëmtime, por janë të traumatizuar nga ajo që ka nodhur.
“Natën e sotme në fshatin në Breg ka ndodh një fatkeqësi të familja Ndoji, e përbërë nga 8 anëtarë familje ku është djeg shtëpia e tyre dhe familjarët ishin brenda. Nga kjo fatkeqësi kanë humbur jetë dy persona, çifti dhe 4 fëmijët dhe dy prindërit e çiftit kanë shpëtuar. Janë mirë nga gjendja shëndetësore të traumatizuar nga ngjarja. Fëmijët kanë disa djegie të lehta në duar, kurse të moshuarit nuk kanë pas probleme”, tha ndër të tjera Sulejmani.
Ngjarja e rëndë ka ndodhur gjatë natës në fshatin Breg, në Pukë. Banesa u përfshi nga flakët dhe si pasoja kanë humbur çifti i bashkëshortëve Petrit dhe Dava Ndoj, 46 vjeç dhe 35 vjeçe. Nga informacionet e deritanishme dyshohet se zjarri ka rënë për shkak të një shkëndije elektrike./Opinion.al
