Pak më parë ju treguam se këngëtari i talentuar Butrint Imeri, do të bashkëpunonte me këngëtaren me origjinë shqiptare, e cila është shumë “in” në Greqi, Eleni Foureir. Opinion.al ka kontaktuar menjëherë me këngëtarin i cili na rrëfen disa nga detajet e këngës, por edhe se si ra në kontakt me këngëtaren më seksi të momentit:
“Bashkëpunimi erdhi falë menaxherit tim i cili ra në kontakt me stafin e Elenit. Menduan se ky do të ishte një bashkëpunim i suksesshëm dhe menjëherë kemi nisur nga puna për të finalizuar projektin”, thotë Butrinti.
I pyetur se në cilën gjuhë do të jetë kënga ai na tregon se ajo do të jetë në anglisht.
” Kënga ishte në versionin shqip e përgatitur nga unë, por menduam se duke shtuar Elenin dhe duke e kthyer në version anglez do të ishte më goditëse që do të kthehet në sukses jo vetëm në trojet tona. Kemi realizuar shumë demo derisa regjistruam në Athine versionin final audio dhe pas disa ditësh edhe klipin. Ai ka 6 skena të ndryshme, ku nuk mungon kërcimi dhe momentet provokuese”, përfundon këngëtari Butrint Imeri.
