I pyetur nga gazetari Fevziu, se çfarë i ofron opozitës, në kushtet e një ngërçi të tillë politik, kreu i grupit parlamentar të PS-së, Taulant Balla, tha se nuk ka asnjë krizë politike.
“Nuk ka një krizë ku fajtori janë të dy palët. Është një autokrizë që shërben për nevojat e brendshme të opozitës që nuk ka progam. Nuk ka ndodhur asnjëherë kur flasim për reformën zgjedhore, që ti japim një fletë të bardhë dhe ti themi opozitës shkruaj se çfarë do. Ne me reformën zgjedhore ia kemi thënë PD-së na thoni si e doni. Sigurisht kemi ngecur me reformën zgjedhore me Partinë Demokraike për votimin elektronik.”
Lidhur mbi akuzat e ngritura nga opozita për përgjimet ku zyrtarë të Partisë Socialiste kapen duke folur për shitblerje votash, Balla tha se rastet të hetohen
“Sigurisht që ka pasur një bisedë, të hetohet deri në fund. Kjo nuk ka të bëjë fare me zgjedhjet e vitit 2017. E kemi thënë shumë qartë që çdo rast të hetohet nga Prokuroria. Ajo që ka dalë nuk ka aspak lidhje me blerjen e votave”
