Deputetja e Partisë Socialiste, Mimoza Hafizi ka zhvilluar sot një takim me dy eurodeputetët e majtë, Knut Fleckenstein dhe Hannes Zwoboda.
Hafizi tha se në këtë takim është diskutuar për të majtën shqiptare dhe demokracinë e brendshme të këtyre partive.
Deputetja e cila bashkë me Ben Blushin është rreshtuar kundër Edi Ramës sa i takon vendimit për të shmangur zgjedhjet brenda Partisë Socialiste tha se kishte marrë mesazhe inkurajuese.
“Mos u dorëzoni”, tha Hafizi ishte mesazhi i dy deputetëve të Parlamentit Evropian.
Hafizi dhe Blushi kanë kërkuar që të hapen kutitë e votave të referendumit brenda PS-së me pretendimin se ka pasur manipulim të procesit zgjedhor.
http://www.dailymotion.com/video/x45ulx7_mimoza-hafizi_news
