Në konferencën e delegacionit europian në Tiranë pas takimeve me aktorët kryesorë politikë në vend, eurodeputeti Knut Fleckenstein ka folur për takimin që ka pasur me liderët e opozitës. Ai ka thënë se edhe pse opozita mund të ketë të drejtë, dorëzimi i mandateve nuk ndihmon në zgjidhjen e problemit, ndërsa tha se ishte i zhgënjyer me Monika Kryemadhin.
“Procesi i reformave është duke vazhduar, vettingu po vazhdon dhe këtë ka kërkuar Këshilli në mënyrë që të ketë vendim pozitiv. Ju besoj e mbani mend kur ne erdhëm me Eduard Kukan, ka pasur një bojkot nga opozita. Më vjen shumë keq, sepse bojkoti, djegia e mandateve, nuk është mënyra e duhur për të zgjidhur problemet. Presim që deputetët të shkojnë në punë. Zoti Basha erdhi me disa udhëheqës të tjerë partish që e shoqëruan, pavarësisht se ishte ai që foli me ne. Ne ia bëmë të qartë se ne i kuptojmë argumentet e tij, por edhe sigur opozita të ketë të drejtë në akuzat e saj, bojkoti nuk e zgjidh problemin. Unë u befasova shumë, por edhe u zhgënjeva shumë, nga kryetarja e LSI-së, për arsye se ajo tha vetëm një fjali në fund, duke na thënë që ata e kanë marrë vendimin e tyre, se në Shqipëri duhet ndërruar pushteti dhe nëse europianët nuk e kuptojnë, nuk është problemi i tyre. Ky është një mesazh i qartë, ata në Bruksel duhet të kuptojnë se në cilën anë gjendet secili prej nesh”, është shprehur Fleckenstein./Opinion.al
