Data 1 mars është caktuar si dita që do të zhvillohen Primaret në PD, garë nga e cila do të dalin edhe emrat e kandidatëve për deputetë.
Lajmin e ka bërë të ditur sekretari i Përgjithshëm i Partisë Demokratike, Flamur Noka.
Përmes një njoftimi zyrtar, Noka ka treguar gjithashtu edhe formulën sesi do të kryhet ky proces.
Noka zbuloi se nuk do të jetë vetëm vota e primareve përcaktuese, por sipas tij, forumet e partisë do të analizojnë angazhimin e gjithë secilit kandidat dhe kontributin e secilit për votën e diasporës, për të siguruar 300 vota të shqiptarëve që jetojnë jashtë vendit.
Reagimi i Nokës:
Kemi vendosur ne Kryesi t’i paraqisim Keshillit Kombetar rregulloren.
Primaret nuk do të zhvillohen ne nivel dege, por qarku.
U shqyrtuan te gjitha obsionet, por përzgjodhëm atë në përputhje me sistemin zgjedhor.
Primaret nuk do të jenë skualifikuese apo votë negative.
Kjo vote nuk do të egzistojë.
Primaret do të jenë kualifikuese. Do të vendoset një prag për çdo qark në bazë te numrit të anëtarëve te Partisë, të votave qe janë marrë ne zgjedhjet e fundit parlamentare si edhe te zgjedhjeve te brendshme në Parti.
Nuk do te jete vetëm vota e primareve përcaktuese. Forumet do të analizojnë angazhimin e secilit kandidat, sikundër kontributin për votën e diasporës për të siguruar 300 vota te shqiptareve që jetojnë dhe punojnë jashtë vendit.
Një anëtar i Partisë ka të drejtë të votojë vetëm një kandidat.
Në 1 Mars data e zhvillimit të primareve.
