Deputeti i PD-së, Flamur Noka është përjashtuar nga seanca plenare nga kryeparlamentarja Elisa Spiropali.
Noka është përjashtuar pasi ka pasur përplasje fizike me deputetët e PS-së si dhe ka tentuar të këpusë mikrofonat.
Ai është përplasur fizikisht me deputetin socialist Petro Koçi.
Gjithçka ka nisur në momentin kur Koçi po fliste nga vendi. Noka ka nxituar drejt ulëses së deputetit socialist, duke shtyrë njërin prej gardistëve që tentoi ta ndalte dhe më pas ka shkulur me forcë e dhunë mikrofonin e Koçit.
Pas incidentit me Koçin, kryeparlamentarja Elisa Spiropali u ka tërhequr vëmendjen deputetëve demokratë duke u kërkuar të mos pengojnë punimet e Kuvendit dhe ka njoftuar përjashtimin e Flamur Nokës nga seanca.
