Deputeti i Partisë Demokratike, Flamur Noka ka folur nga protesta, ku ka dhënë më tepër detaje në lidhje me përplasjen midis policisë dhe Agron Gjekmarkajt.
Para mediave, Noka ka dënuar dhunën ndaj nënkryetarit të PD-së dhe u shpreh se po evidentojnë pamjet filmike, në mënyrë që të gjithë të marrin përgjigjen që meritojnë.
Pjesë nga fjala e Nokës:
“Jini të qetë se i shqetësuar është narko-shteti me narko-policinë! Jam këtu para jush për të dënuar aktin kriminal, banditesk të narko-policisë të urdhëruar direkt nga narko-kryeministri dhe narko-ministri dhe të zbatuar nga Proda dhe vasalët e tij, kundër nënkryetarit të PD zotit Gjekmarkaj. Të dëshpëruar nga efektet dhe jehona e mosbindjes civile, si rruga e vetme për t’i dhënë vendit zgjedhje të lira. Të tmerruar nga jehona ndërkombëtare e hapave të opozitës, ata urdhërojnë ta shtypin revoltën me dhunë. Ata nuk llogarisin përballë kujt janë dhe a po kapërcehet kufiri ligjor. Tërbimi vjen pasi po vjen ngordhja! Ndaj po dhunojnë! U bëj thirrje policiëve mos bini pre e urdhrave anti ligjore, nuk jeni këtu për të dhunuar opozitën. Kjo është fytyra e shtetit! Do ta paguajnë, është radha jonë. Po vjen koha jonë. Do e paguajnë një për një, nga i pari tek i fundit. Ne po regjistrojmë çdo incident.”
