Gazment Bardhi ka reaguar pas fjalës që kryeministrit Edi Rama mbajti ditën e sotme në Kongresin e PS-së.
Ai tha se Rama prej 26 vitesh në politikë është i njëjti.
Sipas tij, ai është një gënjeshtar që ka marrë peng të ardhmen europiane të Shqipërisë.
“Edi Rama prej 26 vitesh në politikë është i njëjti:
të vërtetën e quan helm; korrupsionin e quan reformë; hajdutin e quan të suksesshëm; kriminelin e quan deputet; vjedhjen e zgjedhjeve e quan fitore; vilën e tij në Surrel e quan Shqipëri.
Gënjeshtar që ka marrë peng të ardhmen europiane të Shqipërisë! 12 vite përralla e gënjeshtra janë shumë kohe e humbur për Shqipërinë dhe shqiptarët e ndershëm”, shkruan Bardhi.
