Mposhtja e Maqedonisë ne stadiumin “Loro Boriçi” me rezultatin 2 me 1 shënon një nisje të mbarë për kombëtaren shqiptare në eliminatoret për Kampionatin Botëror “Rusi 2018”.
Me këto tri pikë, kuqezinjtë u bashkohen pikërisht spanjollëve dhe italianëve në krye të Grupit G.
Diferenca e golave e rendit përfaqësuesen tonë në pozitën e tretë, pas dy gjigantëve të kontinentit. Spanja dje e shndërroi në stërvitje ndeshjen me modestët e Lihtenshtajnit, duke triumfuar me rezultatin 80.
Ndërkohë “Azurrët” nuk gabuan përballë Izraelit, duke triumfuar 31 në transfertë.
Shqipëria i ka të gjitha mundësitë për të mbledhur pikët e plota pas dy raundeve të para, pasi kundërshtari i radhës është Lihtenshtajni më 6 tetor.
Italia dhe Spanja do të ndeshen mes tyre, kurse Maqedonia do të presë Izraelin.
