4 qarqet ku PS ka marrë fitoret me diferencat më të thella përballë Koalicionit PD-Aleanca për Shqipërinë Madhështore janë Fieri, Gjirokastra, Vlora dhe Elbasani.
Mbi 60% e votave të qytetarëve të Fierit, Elbasanit dhe Gjirokastrës kanë shkuar për PS, ndërsa në Vlorë 58.72 %. Koalicioni i PD-së në këto qarqe ka marrë më pak se 30% të votave.
Në rang bashkie, Mallakastra ka prodhuar rezultatin më të thellë të PS deri më tani.
Në këtë bashki të qarkut Fier, 73.24 % e votave kanë shkuar për PS dhe vetëm 18.39% për koalicionin e Sali Berishës.
Edhe në bashkinë Peqin diferencat janë të forta, PS ka marrë 7369 vota ose 71.17 % të totalit, ndërsa PD 22.52% të votave.
Sa i përket Koalicionit PD-Aleanca për Shqipërinë Madhështore rezultatin më të mirë në rang qarku e ka shënuar në atë të Kukësit, ku ka marrë më shumë se gjysmën e votave konkretisht 18 934, ndërsa PS, 30.68 % të votave.
Në rang bashkie, diferencën më të thellë në vota PD e ka marrë në Tropojë, të qarkut Kukës. Konkretisht 66.81% e votave të qytetarëve të kësaj bashkie kanë shkuar për të, ndërsa PS ka marrë më pak se 30% të votave.
Tv Klan
