Ndërkohë që këto ditë vendoset e ardhmja e tij, e cila me shumë gjasa do të jetë në Rusi, te skuadra e Spartak Moskë, sot është bërë publik një episod që ka lidhje me jetën personale të mesfushorit brazilian të Sampdorias, Fernando. Gjashtë muaj muaj më parë ai është martuar në Xhenova, por duket se mesfushori që sezonin e fundit luajti në Serinë A ka harruar të kryejë disa pagesa. Fotografi i dasmës së Fernando dhe bashkëshortes së tij Raphaela ka folur sot për mediat italiane, duke thënë: “Jam i kënaqur që ai do të shkojë në Moskë, do të fitojë shumë parà dhe do të bëjë karrierë. Por më parë duhet të më paguajë”, tha Matteo Niccolai, fotografi i dasmë
“Nuk bëra vetëm fotografin, por edhe shoferin dhe dëshmitarin, duke qenë se Fernando nuk i kishte. Madje ndërhyra edhe në Komunë, duke paguar disa detyrime që gjërat të zhvilloheshin më shpejt, pasi ata nuk kishin marrë portofolin me vete. Janë gjëra që i bëra pa asnjë problem, pasi kisha një raport të mirë me Fernando. Këto kohë e kam telefonuar, e kam pritur dhe kam bërë gjithçka, por e kotë. Vajta edhe në shtëpinë e tij, por asgjë. Kur lexova se do të shkojë në Moskë dhe do të fitojë 3 milionë euro, ndërkohë që më detyrohet 1500 euro, u inatosa dhe nisa ta ndjek rrugën ligjore. Nuk e di se si do të e di se si do të zgjidhet kjo punë”, tha fotografi italian.
