Presidenti i Republikës, Bajram Begaj ka uruar besimtarët mysliman për festën e Fitër Bajramit.
Në një deklaratë për mediat nga Komuniteti Mysliman Shqiptar, Kreu i Shtetit tha se dita e sotme është një ditë mirësie dhe solidariteti.
Në fund të fjalës së tij, Begaj ka dhënë një mesazh bashkimi në shërbim të interesit kombëtar.
“Gëzuar Fitër Bajramin, qoftë kjo ditë e shënuar, një ditë solidaritet dhe mirësie për të gjithë shqiptarët. Fjalët e kuranit dhe profetit Muhamed le të shërbejnë për çdo shqiptar si shembull frymëzimi në jetën e përditshme. Ti shtrijmë dorën njëri tjetrit, të ndihmojmë të pamundurit dhe të jemi të bashkuar në shërbim të interesit tonë madhor, në shërbim të interesit të harmonisë fetare të dialogut ndër fetar dhe të interesit kombëtar”, tha Bajram Begaj.
