TIRANË- Sot Laboratori i Kriminalistikës doli në konkluzionin se firma e inspektorit të policisë bashkiake, Besmir Karaj në gjobën e PD-së është e falsifikuar. Gjoba u vendos më 8 Dhjetor nga Bashkia Tiranë për Partinë Demokratike. Inspektori që kishte emrin në fletë-gjobë e çoi çështjen në prokurori, me pretendimin se nuk kishte qenë në punë kur është vendosur gjoba dhe se firma e tij është falsifikuar nga kabineti i Kryetarit të Bashkisë, Erion Veliaj.
Po vetë Kryetari çfarë tha për gjobën dhe për firmën e Karajt në këtë fletë-gjobë?
Sot u risjellim në vemendje intervistën eVeliajt në emision e Ilva Tares në Ora News, ku kryebashkiaku pretendonte se firma është e saktë dhe nëse rezulton e kundërta ai do të mbajë përgjegjësi.
INTERVISTA
Inspektori e ka firmosur këtë gjobë atë ditë?
Erion Veliaj: Po, e ka firmosur. Kjo është firma e inspektorit. Nëse thotë që nuk e kam firmosur atëherë të shkojë ta provojë në prokurori por e vërteta doli që ishte krejt ndryshe. Doli që i ati i inspektorit ishte pjesë e të gjobiturve, ishte pjesë e organizatorëve të protestës.
Nëse inspektori fiton çështjen në gjykatë, do të mbani përgjegjësi?
Erion Veliaj: Po, nëse ajo firmë nuk është e tij, atëherë do të mbaj unë përgjegjësi por në të kundërt PD do njolloset dy herë…
