Një nga titullarët e Anglisë, Fil Foden, ka braktisur kombëtaren pas barazimit të mbrëmjes së djeshme kundër Sllovenisë.
Federata Angleze ka bërë të ditur se mesfushori, është kthyer në vendlindje për shkak të një “situate urgjente familjare”.
Nuk dihen ende rrethanat që shtynë Foden të kthehet në Angli, por fakti që ai mungon në stërvitjen e “tre luanëve” ka shqetësuar jo pak mbështetësit e kësaj skuadre.
Foden ka qenë pjesë e formacionit të Anglisë në të tre ndeshjet e grupeve, por performanca e tij ka qenë një ndër më të dobëtat, madje duke bërë që tifozët të kërkojnë zëvendësimin e tij nga Cole Palmer i Chelsea.
Federata nuk ka njoftuar sa do të zgjasë mungesa e Foden dhe nëse do të kthehet në Gjermani për vijimin e turneut.
