Një 17 vjeçare me inicialet G.D, banuese në Levan është arrestuar nga specialistët për Krimet në Komisariatin e Policisë Fier, pasi në shkollën e Muzikës “Jakov Xoxa” ka plagosur rëndë nga pakujdesia shokun e klasës.
P. Sh, banues në lagjen “Liri” i cili është plagosur është dërguar për mjekim më të specializuar në Tiranë.
Në cilësinë e provës materiale është sekuestruar një armë zjarri pistoletë (tip stilolaps), në dukje artizanale, me të cilën dyshohet se ka kryer ngjarjen adoleshentja.
Materialet i kaluan Prokurorisë pranë Gjykatës Shkallës Parë Vlorë për veprat penale ”Plagosje e rëndë nga pakujdesia” dhe “Prodhimi dhe mbajtja pa leje e armëve luftarake dhe e municionit” parashikuar nga Nenet 91 dhe 278 të Kodit Penal.
