Një kamion është përfshirë nga flakët në bypass- in e Fierit pranë Spitalit “Memorial”.
Sipas informacioneve që ka siguruar korrespondentja e Klan News, Anila Sefa kamioni ishte pa ngarkesë, dhe ka marrë flakë në ecje. Siç mund të shihet edhe nga pamjet kamioni është shkrumbuar totalisht.
Ndërkaq sipas informacioneve paraprake bëhet e ditur se nuk ka persona të lënduar, pasi shoferi i automjetit sapo ka pikasur zjarrin ka dalë menjëherë nga kamioni.
Në vendngjarje kanë mbërritur dy mjete zjarrfikëse për të mundësuar shuarjen e flakëve
Ende nuk dihet saktësisht shkaku që shkaktoi zjarrin, por paraprakisht dyshohet për një defekt teknik.
