Një konflikt i rëndë është regjistruar mes dy vëllezërve në fshatin Qukas i Vjetër, në Fier. Sipas policisë ngjarja ka ndodhur për motive pronësie, ndërsa ka agravuar në përdorimin e armëve të ftohta dhe atyre të zjarrit.
Njëri prej vëllezërve, shtetasi H.M, e ka qëlluar tjetrin me sëpatë, ndërsa ky i fundit i është kthyer duke e qëlluar dhe plagosur me armë zjarri.
Të dy të dëmtuarit janë transportuar në spital, ku janë në kujdesin e mjekëve. Mësohet se shtetasi H. M. është në gjendje të rëndë shëndetësore.
Njoftim i policisë
Rreth orës 08:00, në fshatin Qukas i Vjetër, dyshohet se për shkak të konflikteve për motive pronësie, shtetasi H. M. ka goditur me mjet prerës (sopatë), vëllanë e tij, shtetasin N. M., rreth 77 vjeç, ndërsa ky i fundit ka plagosur shtetasin H. M., me armë zjarri pistoletë.
Të dy të dëmtuarit janë transportuar në spital, ku janë në kujdesin e mjekëve. Aktualisht, shtetasi H. M. është në gjendje të rëndë shëndetësore.
Shërbimet e Policisë kanë shkuar menjëherë në vendin e ngjarjes, ku kanë sekuestruar në cilësinë e provës materiale, armën e zjarrit pistoletë dhe mjetin prerës (sopatë), të përdorura gjatë konfliktit.
Grupi hetimor po punon për të dokumentuar me prova ligjore rrethanat e rastit.
