Policia e Shtetit do të kalojë në gadishmëri për festat e fundvitit. Sipas burimeve zyrtare, Drejtori i Policisë së Shtetit Haki Çako ka urdhëruar të gjithë strukturat e Policisë në shkallë vendi të përforcojnë masat duke kaluar në gatishmëri të përforcuar.
Në shkresën dërguar strukturave të policisë Çako ka urdhëruar që për natën e ndërrimit të viteve rreth 70% e efektivave të Policisë së Shtetit të jenë në gadishmëri. Në shërbim do të jenë, Policia e rendit, rrugore, kriminale, Forcat operacionale, Strukturat e Krimit të Organizuar e Krimeve të Rënda, strukturat e Antiterrorit.
Çako ka urdhëruar gjithashtu marrjen e masave dhe në kufi, duke shtuar numrin e sporteleve dhe duke eliminuar radhët ne kufi.
