Për festat e fundvitit fondi i shpërblimeve do të jetë krejt i limituar. Ministria e Financave ka vendosur që të marrin një shumë prej 2500 lekësh pensionistët dhe personat në nevojë që trajtohen me ndihmë ekonomike, ndërsa nuk do të ketë asnjë lek shpërblim për punonjësit e administratës.
Nëse një vit më parë u dhanë disa shpërblime të diferencuara për administratën sipas kriterit të arritjeve në punë, por këtë vit nuk flitet asgjë. Ministria e Financave ende nuk ka çuar vendimin në Qeveri, por burimet thanë se këtë vit nuk ka fonde, pasi qëllimi është të shlyhen borxhet.
