Një festë e organizuar në një shtëpi në fshatin Ambalavato në Madagascar është kthyer në një tragjedi. 39 persona, mes tyre 17 fëmijë kanë humbur jetën, si pasojë e një zjarri që ka përfshirë shtëpinë në të cilën ata ishin mbledhur për të festuar.
Vetëm një 14 – vjeçar ka mundur t’i shpëtojë flakëve, duke u hedhur nga dritarja, por fatkeqësisht ka ndërruar jetë në spital, pasi nuk ka mundur t’u mbijetojë plagëve të marra.
Banorët e zonës janë munduar që të ndërhyjnë, por ka qenë e pamundur, pasi ata ishin bllokuar brenda dhe dera nuk hapej. Forcat zjarrfikëse kanë mbërritur në vendngjarje, por fatkeqësisht, vetëm pasi flakët kishin përfshirë katin e sipërm dhe çatinë.
Dyshohet se shkak për rënien e zjarrit është bërë prushi që ishte përdorur më parë për të gatuar, për të ftuarit. Fillimisht zjarri nisi në një ambient jashtë shtëpisë, i improvizuar për të gatuar dhe më pas është përhapur duke përfshirë edhe banesën kryesore ku ndodheshin të ftuarit.
Mbërritja me vonesë e zjarrfikëseve ka ardhur si pasojë e vendndodhjes së këtij fshati të izoluar që është 500 km nga kryeqyteti i vendit Antananarivo./klan
