Sot dhe nesër, 12 e 13 qershor, kremtohet Festa e Shna Ndout, që vjen pas 13 të Martave të shenjta. Prandaj, mijëra pelegrinë janë mbledhur në Kishën e Laçit.
“Qindra e mijëra i janë drejtuar këtij vendi të shenjtë që prej orëve të para të mëngjesit, jo vetëm besimtarë katolikë, por edhe të besimeve të tjera. Janë duke pritur orën 12 të natës, kur kulmon edhe festa”, raportoi nga atje, gazetari i Klan News, Martin Marku.
Besimtarët e kalojnë natën në oborrin e kësaj kishe e përreth saj, në pritje të festës. Ka pelegrinë nga Shqipëria, Kosova e diaspora.
Ata luten për më shumë paqe, begati e mirëqenie në familjet e tyre.
