Gjatë ceremonisë së 25-vjetorit të themelimit të Partisë Socialiste, kryeministri Edi Rama i dha përgjigje edhe deputetit të pakënaqur Vladimir Kosta, pa ia përmendur emrin.
“Nuk i vë faj askujt që mendon se unë nuk kam bërë gjënë e duhur për të, apo vendin. Apo as atij që mendon se unë nuk i jap vendin e punës që kërkon. Por ama unë nuk harroj se për këtë punoj, kujt i shërbej, dhe se çfarë duhet të bëj për këtë vend”, tha Rama.
Më tej shtoi se pozita e Kryeministrit i ka mësuar disa gjëra të reja. “Këtu kam mësuar se politika në këtë vend nuk rrjedh aspak fjollë. Madje sa më lart ngjitesh, aq me vështirësi rrjedh. Nuk mund t’i kënaqësh të gjithë”.
Ai tha se gabimet nuk janë të qëllimshme. “Është momenti për të kërkuar ndjesë për ndonjë që vendos ta shkelë këtë prioritet”, vijoi kreu i PS.
Sërish duke nënkuptuar deputetët që kanë kërkuar më shumë, Rama tha se “ata që bëjnë të mërziturin, janë respektuar dhe kanë përfituar shumë nga kjo parti se shumë të tjerë”.
“Ndaj të parëve u them atyre njerëzve të thjesht se në politikë nuk votohet për përsosmëri, ndaj kush voton për këtë mendje është i dënuar të mërzitet që ditën e zgjedhjeve. Kush mendon se mund të flas në emër të atyre dhe të devijojë të flas në shtegun e lojës së mërzisë së vetë e kanë kohën për të devijuar”, tha Rama.
