Policia ka sekuestruar mijëra hektar tokë, apartamente, vendparkim, 12 makina, llogari bankare, pasuri në total me vlerë rreth 1.8 milion euro në pronësi të një 36-vjeçari në Fier.
Sipas uniformave blu pasuria e të riut dyshohet se është vënë nga veprimtaritë kriminale në fushën e narkotikëve, të kryera jashtë Shqipërisë.
“DVP Fier/Finalizohet operacioni i koduar “Real estate”,për sekuestrimin e pasurive që dyshohet se e kanë burimin nga veprimtaritë kriminale.
Sektori për Hetimin e Krimeve Ekonomike dhe Financiare, në drejtimin e Prokurorisë, ka ekzekutuar vendimin e Gjykatës së Fierit, për vendosjen e sekuestros preventive mbi pasuritë e luajtshme dhe të paluajtshme të shtetasit A. M., 36 vjeç.
Ky shtetas dyshohet se i ka përfituar këto pasuri nga veprimtaritë kriminale në fushën e narkotikëve, të kryera jashtë Shqipërisë.
Konkretisht, janë sekuestruar pasuritë si më poshtë:
2 sipëfaqe toke arë, në total 6831 m2, në Fier;
3 sipërfaqe toke truall, në total 630 m2, në Fier;
njësi shërbimi me sipërfaqe 200 m2, në Fier;
njësi 2 kate me sipërfaqe 625 m2, në Fier;
njësi me sipërfaqe 100 m2, në Fier;
apartament me sipërfaqe 127 m2, në Tiranë;
1 vendparkim në Tiranë;
12 automjete;
2 llogari bankare me vlerë rreth 120 000 euro.
Vijon puna hetimore për evidentimin dhe sekuestrimin e pasurive të tjera të këtij shtetasi, që mund të jenë përfituar nga veprimtaritë kriminale”, njofton policia.
