Fernando Torres ka njoftuar ditën e sotme se ky është sezoni i fundit që luan për skuadrën e Atletico Madrid.
“Bëj me dije se ky është sezoni im i fundit në këtë klub dhe duke parë rrethanat, mendoj se kjo është gjëja më e mirë. U ndjeva i detyruar që të njoftoja tifozët që më kanë mbështetur gjithmonë. Na mbeten bashkë vetëm një muaj e pak dhe dua që të më shoqërojnë në këtë periudhë” deklaron sulmuesi spanjoll.
Ndërkohë Torres po kërkon një skuadër tjetër, pasi në fund të sezonit sulmuesi do ti japë fund Atletico Madrid, por jo futbollit.
“Kur mbërrita në moshën 10-vjeçare, gjithmonë mendoja se Atletico do të ishte shtëpia ime. E kam shijuar ëndrrën time tek Atletico” ka shtuar më tej Torres.
Sulmuesi spanjoll nënshkroi për herë të parë me akademinë e Atletico Madrid në vitin 1995, ndërsa debutoi në vitin 2001, para se të largohej në 2007 dhe për tu rikthyer përsëri në vitin 2016.
