Dy fusha të reja furbolli do t’i shtohen qytetit të Gjirokastrës.
Lajmin e ka bërë të ditur Federata Shqiptare e Futbollit, e cila ka njoftuar ditën e sotme se në bashkëpunim me bashkinë e Gjirokastrës do të ndërtojë dy fusha të reja.
Pas përfundimit të punimeve në stadiumin “Luftëtari”, FSHF dhe Bashkia Gjirokastër kanë firmosur mes tyre marrëveshjen për ndërtimin e dy fushave me bar artificial.
Ky investim është pjesë e projektit të FSHF-së “100 Fushat” dhe punimet pritet të nisin së shpejti.
Synimi është krijimi i më shumë hapësirave për fëmijët, që të stërviten dhe të luajnë futboll.
Gjithashtu, ky projekt pritet të ndihmojë në rritjen e cilësisë së futbollit në qytetin e Gjirokastrës.
