Ministri i Brendshëm, Fatmir Xhafaj, të enjten, në studion e emisionit ‘Opinion’ nuk ka gjetur asnjë fjalë për të dënuar regjimin e kaluar diktatorial, por ka preferuar t’a përmbyllë mendimin e tij me idenë se nëse shihet nga këndvështrimi i sotëm nuk ishte i duhuri.
Xhafaj deklaroi se ai regjim nuk ishte me i miri për vendin, por duke e vlerësuar këtë nga këndvështrimi i sotëm.
Ministri nuk mbajti asnjë qëndrim në lidhje me regjimin diktatorial që ka kaluar vendi ynë për gati gjysmë shekulli, ku mijëra familje janë internuar, qindra njerëz të dënuar politikisht dhe qindra të vrarë në burgjet e diktaturës.
