Në një konferencë për mediat, ku bëri bilancin e vitit 2023, Ministri i Brendshëm Taulant Balla iu përgjigj pyetjes se gazetarëve lidhur me fatin e të shumëkërkuarit Ervis Martinaj, i zhdukur tashmë prej muajsh.
Balla tha se policia ka shumë informacion për këtë çështje, por dokumentimi i plotë i saj kërkon ende kohë.
“Unë e kam marrë detyrën më 15 korrik 2023, edhe kjo çështje ka qenë një prej çështjeve të orëve të para në detyrë, mbetet një sfidë e pazgjidhur ende referimi përfundimtar në gjykatë.
Policia ka shumë informacion për këtë çështje, por sa kohë që dokumentimi i plotë i saj kërkon ende kohë, e kam thënë edhe më parë, ju garantoj që kur të kemi një pasqyrë të plotë të gjithë kësaj çështje, mezi pres të dal para jush.
Eshtë një ngjarje e rëndë, e rëndësishme, që ka të bëjë më gjithë këto indikatorë të rëndësishëm. Po bëjmë gjithcka është e mundur për t’i shkuar deri në fund. Nuk dua të hy më në detaje, janë informacione të klasifikuara sekret” tha Balla.
