Finalizohet me sukses operacioni “Kostumi”.
Policia ka zbuluar një rast të trafikut të farave të kanabisit nga Spanja drejt Shqipërisë, me anë të postës.
Në datën 14 Maj, në Doganën e Tiranës ka mbërritur nga Spanja një pako që për policinë u cilësua e dyshimtë dhe në këto kushte është bërë këqyrja e pakos, ku në brendësi të saj janë gjetur 11 mijë fara kanabis.
7000 fara ishin për kultivim në ambiente të mbyllura me llampa kurse 4000 fara ishin për t’u kultivuar në natyrë.
Pakoja kishte si destinacion qytetin e Vlorës. Dërgesa e saj u bë në mbikëqyrje të policisë dhe pas dorëzimit të saj u bë arrestimi në flagrancë i 30-vjeçarit me iniciale O. Ç, banues në Vlorë.
Policia njofton se po vazhdon puna hetimore për zbulimin e autorëve te tjerë të përfshirë në këtë veprimtari kriminale./Opinion.al
