Aulona Musta është një nga moderatoret më të suksesshme. Së bashku me Fatmën, ato përbëjnë dyshen më ‘thumbuese’ të ekranit. Aulona njihet për karakterin e saj transparent dhe impulsiv, dhe jo pak herë postimet e saj në rrjetet sociale bëjnë bujë në rrjet.
Së fundmi moderatorja ka publikuar një shkrim për të gjitha nënat, me anë të së cilit u jep kurajo që të vazhdojnë të kujdesen për veten, edhe pse mund të jenë me fëmijë.
Por jo të gjithë e kanë mirëpritur këtë shkrim, pasi shumë prej ndjekësve i kanë thënë se jo të gjitha nënat kanë kushtet që ka Aulona.
“Problem i Aulonës është që vajzën po ja rrisin mamatë dhe jo ajo vetë. Sepse duke qenë shumë egoiste për veten e vet, nuk i del koha për vajzën. Kur të rritet goca dhe ajo do ta ndjejë këtë mangësi”.
Por Aulona nuk ka ndenjur pa kthyer përgjigje, madje një përgjigje shumë të ashpër: “Hahaha nëse duke menduar në këtë mënyrë, justifikon dështimet e tua si grua dhe si nënë, vazhdo mendoje. Por ti do vazhdosh të jesh e palumtur, gjithsesi…” është shprehur Aulona.
