Kryeministri Edi Rama në konferencë për mediat ka folur në lidhje me dëmtimet që u shkaktuan nga tërmeti 5.8 ballë i cili tronditi Shqipërinë më 21 shtator
Gjatë fjalës së tij Rama u shpreh se OSHEE dhe Ujësjellësi do të marrin vendime që familja e prekura nga tërmeti të mos paguajnë fatura, si dhe t’u falen borxhet e prapambetura.
Kryeministri Rama ka theksuar se familjet e dëmtuara janë në kujdesin e autoriteteve deri në normalizimin e gjendjes së tyre.
“OSHEE dhe Ujësjellësi do të marrin vendime për të zeruar detyrimin e familjeve të dëmtuara që janë në kushte pabanueshmërie, që do të thotë se për të gjithë ato familje do të zerohen të gjitha borxhet dhe do të subvencionohet 100 përqind tarifa që paguhet edhe kur t’i nuk je në banesë. Ndërkohë që për familjet e tjera nisur nga shkalla e dëmtimit do të ketë masa të përshkallëzuara. Ky është një lehtësim dhe shprehje solidariteti me ato familje që u prekën seriozisht nga tërmeti dhe duhet të bëjnë durim deri kur mund të futen në shtëpinë e rindërtuar. Kemi kryer të gjithë inventarin. familjet në kushte të pabanueshme janë në kujdesin e autoriteteve.”
Lëkundja e parë e fortë e tërmetit u regjistrua të shtunën e 21 shtatorit, në orën 16.05 minuta, me një magnitudë 5.8 gradë të shkallës Richter dhe intensitet 7.5 ballë.
Tërmeti i së shtunës pasdite ishte “më i madhi i regjistruar në 30 vitet e fundit”, sipas sizmologëve. Ai u pasua nga të paktën 130 pasgoditje me një intensitet më të ulët. Kryesisht në Tiranë e Durrës, qytetarët përjetuan frikë dhe ankth për orë të tëra. / Opinion.al E.Xh.
