Kreu i kishës Ortodokse në Ukrainës, patriarku Filaret, i cili fajësoi martesat e së njejtës gjini për përhapjen e Covid-19, ka rezultuar pozitiv në tamponin e kryer.
Lajmi është konfirmuar në faqen zyrtare të kishës, në Facebook.
‘Ne informojmë se gjatë testimit rutinë, Patriarku i Shenjtërisë së Tij Filaret i Kievit doli pozitiv për Covid 19. Tani Shenjtëria e Tij Peshkopi po kalon trajtimin në një spital.’
Mendiat lokale raportojnë se ai ka inflamacion në mushkëri.
Si kreu i Kishës Ortodokse Ukrainase të Kyivit, Filaret është një nga figurat më të shquara fetare të vendit dhe ka 15 milion ndjekës.
Ai u kritikua shumë nga grupet LGBT për komentet e tij në lidhje me virusin në mars.
Në një intervistë televizive ai tha se shpërthimi ishte ndëshkimi i Zotit për mëkatet e njerëzve. “Së pari, dua të them martesën e gjinisë së njëjtë.”, tha ai.
Në atë kohë, Maria Guryeva, një zëdhënëse e Amnesty International Ukrainë, tha:’ Deklarata të tilla… janë shumë të dëmshme sepse ato mund të çojnë në rritje të sulmeve, agresionit, diskriminimit dhe pranimit të dhunës. kundër grupeve të caktuara.
Disa figura të tjera fetare në të gjithë botën kanë fajësuar komunitetin LGBT për përhapjen e koronavirusit që kur u shfaq për herë të parë në Kinë në fund të vitit të kaluar. Figura të shquara në SHBA dhe një rabin në Izrael kanë pretenduar se koronavirusi është ndërhyrje hyjnore ’në përgjigje të të drejtave LGBT’.
Organizata Botërore e Shëndetësisë ka dënuar këtë përhapje të keqinformimit, duke paralajmëruar që nxit stigmatizimin dhe diskriminimin.
Përfaqësuesit e Filaret kanë mbrojtur më parë vërejtjet e tij, duke thënë se ato ishin ‘në përputhje me ligjet ukrainase’ dhe se ai ‘ka‘ të drejtë të shprehë pikëpamjet e tij./ Opinion.al
