Gjiganti i rrjeteve sociale, Facebook, prej disa ditësh ka lëshuar aplikacionin Continuous Live Video API, që mundëson shfaqjen video në kohën reale.
Më parë rrjeti më i famshëm social ka lejuar shfaqjen e videove “live” deri në 90 minuta, ndërsa tani kohëzgjatja e videove në kohë reale ka ndërruar për të mundësuar filmime non-stop, me kohë të palimituar.
Megjithatë, tani videot që shfaqen përmes Facebook nuk do të mund të kthehen mbrapa, ka bërë të ditur TechCrunch, raporton syri.net.
Facebook po ashtu ka bërë të ditur se videot “live” do të pajisen me përcaktimin e vendndodhjes dhe të moshës, duke kategorizuar kështu grupet, të cilat mund të shohin videot në bazë të rajonit dhe moshës.
Për këtë qëllim Facebook ka bërë edhe një hartë virtuale se kush dhe nga ku është duke transmetuar live. Mbrëmjen e sotme në të gjithë Europën kishte video live në Facebook, ndërsa Ballkani ishte në terr, pasi nuk kishte asnjë video live në rrejtin social.
