Facebook i ka ‘kërcënuar’ përdoruesit se do t’i fshijë fotografitë e ngarkuara nga celularët në rrjetin social, nëse nuk e instalojnë aplikacionin e ri Moments.
Rrjeti social u ka dërguar nga një paralajmërim përdoruesve, duke iu thënë se fotografitë që janë sinkronizuar në mënyrë private nga celularët e tyre në profilet e tyre online, do të humbin.
Facebook ka njoftuar se nëse përdoruesit nuk e shkarkojnë këtë aplikacion deri më 7 korrik, fotografitë do të fshihen.
Ky ndryshim do t’i prekë të gjitha ato fotografi që janë ngarkuar në rrjetin social në mënyrë private, përmes veçorisë së sinkronizimit automatik.
