Igli Tare ka marrë komplimenta nga një legjendë si Fabio Capello.
Zyrtarizimi se Allegri pranoi ofertën e drejtorit sportiv të Milanit për t’u rikthyer në stolin e kuqezinjve pas 11 vitesh i ka dhënë pikë Tares, me Capellon që vlerëson drejtorin shqiptar në një bisedë për Gazzetta dello Sport.
“‘Djalli’ më dëgjoi dhe u ngrit në skenë. Së pari një drejtor i vërtetë sportiv, Igli Tare, pastaj një trajner i shkëlqyer, Massimiliano Allegri. Dy nënshkrime të denja për Milanin. Duhet ta themi me zë të lartë dhe qartë, kuqezinjtë nuk mund të përballojnë më të bëjnë gabime.
Shqiptari është një njeri i vërtetë i futbollit dhe sigurisht që nuk bëri gabim duke marrë ish-trajnerin e Juventusit. Jam i bindur se ai ishte vendimtar në vendimin për t’u përqendruar te Max, dikush me përvojë dhe personalitet. Me të në stol, pres të mos shoh tërbimet e sezonit të kaluar”, tha Capello.
