Armando Broja prezantohet si futbollist i Everton. Ishte vetë klubi anglez që në faqen zyrtare publikoi sulmuesin shqiptar me fanellën e skuadrës së re.
Marrëveshja mes palëve u arrit në ditën e fundit të merkatos, ndërsa sot Broja pozoi për fotot e klubit. “Blerja jonë më e re është këtu. Mirë se erdhe Armando Broja”, shkruhej në postimin e klubit.
Sulmuesi kuqezi nuk harroi të pozonte dhe me shqiponjën në fotot e tij të para si futbollist i Everton. Ai u huazua nga Chelsea me të drejtë blerje për shumën e 30 milionë eurove. Një tjetër mundësi kjo për sulmuesin kuqezi për të treguar dhe një herë veten në elitën e futbollit anglez.
