Ish-ministrja franceze për çështjet evropiane e cila tashmë është pjesë e Parlamentit Europian, , Nathalie Loiseau ka thotë se procesi i zgjerimit të BE nuk duhet lënë në duart e burokratëve. Para zgjerimit në Ballkanin Perëndimor, duhet të rishitet procesi i pranimit, tha ajo, sepse “Serbia nuk është ndarë asnjë sekondë nga Rusia” edhe pse ka hapur procesin e negociatave.
Në një intervistë për DW, europarlamendarja ishte e drejtpërdrejtë teksa foli për procesin e zgjerimit të BE në Ballkanin Perëndimor. Ajo përdori si shembull Serbinë dhe Hungarinë të cilat edhe pse njëra është në proces negociatash dhe tjetra anëtare e BE, nuk janë larguar nga Rusia.
“Shihni Serbinë. Serbia dukej të ishte në proces të suksesshëm. Por, a u distancua Serbia nga Rusia? Asnjë sekondë. A mendoni se bisedimet e pranimit në BE janë receta e duhur për t’i bërë vendet që të distancohen nga Rusia? Shihni Hungarinë. Nuk funksionoi. Ne duhet të korrigjojmë të gjithë procesin e bisedimeve të hyrjes, sepse nuk është duke funksionuar. Të mbyllim sytë dhe të bëjmë sikur kemi politika, kur kemi vetëm burokracira?”, tha ajo.
Loiseau pranoi se gjëja kryesore që i kërkohet vendeve të cilat duan të integrohen në BE është “është përgjegjësia që duhet të kenë në vendosjen e ligjit, luftën kundër korrupsionit, luftë kundër krimit të organizuar”
E pyetur konkretisht nëse bllokimi i negociatave me Shqipërinë dhe Maqedoninë e Veriut në tetor ka ndryshuar shumë përmbajtjen e zgjidhjes së problemeve bilaterale në Ballkanin Perëndimor, europarlamentarja franceze përdori përsëri Serbinë si shembull dhe u shpreh se BE ka vendosur të vërë pikat mbi “i”
“Shihni Serbinë. Ajo është në proces, është duke zhvilluar negociata. Janë duke hapur e mbyllur kapituj. Duke qenë afër me Rusinë, më shumë kurrë më parë. Diçka nuk është duke funksionuar. Disa njerëz kanë vendosur mos ta shohin një gjë të tillë. Ne kemi vendosur t’i vemë pikat mbi “i””. /Opinion.al
