Ekipi i Skënderbeut ka kaluar në turin e tretë të Europa League, apo në atë që quhet turi “play out”, kualifikimi i së cilës i dërgon në grupet e kompeticionit. Korçarët janë kualifikuar pas rezultatit të përgjithshëm 3-3. Në ndeshjen e parë korçarët ishin mundur me rezultatin 2-1 nga Mlada Boleslav ndërkohë që kanë fituar në kohën e rregullt në “Elbasan Arena” po me rezultatin 2-1 me gola të Sabien Lilaj me penallti dhe të Sebino Plakut, duke përmbysur rezultatin në pjesën e dytë. Koha shtesë nuk ka dhuruar surpriza, ndërsa në gjuajtjen e penalltive ekipi korçar është treguar më i saktë.
Penalltite
8- Membrahtu godet penalltinë e tetë. Pret Shehi. 4-2. Kualifikohet Skënderbeu.
7- Lilaj godet penalltinë e shtatë. Shënon. 4-2.
6- Rada godet penalltinë e gjashtë. Godet traversën dhe e humb. 3-2.
5- Muzaka godet penalltinë e pestë. Shënon. 3-2.
4- Prikril godet penalltinë e katërt. Shënon. 2-2.
3- Latifi godet penalltinë e tretë. Shënon. 2-1.
2- Maresh godet penalltinë e dytë. Shënon. 1-1.
1- Shehi godet penalltinë e parë. Shënon. 1-0.
