FC Zyrihu luajti dje në Rumani, duke barazuar 1-1 kundër Steauas për Ligën e Europës, ndërkohë që nuk ishte në fushë apo në stol asnjë shqiptar.
Për Sadikun dihej që është i dëmtuar, ndaj prania e tij ishte e pamundur, por fillimisht ka krijuar habi mungesa e Burim Kukelit.
Mesfushori i Shqipërisë nuk ishte as në stol, por më pas u mësua arsyeja e vërtetë.
Kukeli ka udhëtuar me urgjencë drejt Zvicrës, pasi bashkëshortja e tij së shpejti do të lindë binjakë dhe ka pasur disa probleme shëndetësore ditën e djeshme.
Kjo ka bërë që FC Zyrihu ta lërë të lirë, duke e nisur për në Zyrih mesfushorin tonë.
