Vendimi për depërtimin e Harun Çelik në Turqi nga Shqipëria mund të konsiderohet si shkelje e Konventës Europiane e të Drejtave të Njeriut.
Pas reagimi të eurodeputetes rumune, Ramona Strugariu, kolegia e saj gjermane Rebecca Harms i ka bërë thirrje Këshillit të Europës, Misioneve të monitorimit të të drejtave të njeriut të Kombeve të Bashkuara dhe Komisionit Europian për një hetim serioz të çështjes.
“Duhet një hetim i pavarur i këtij rasti dhe rasteve të ngjashme të rrëmbimeve të shtetasve turq jashtë vendit, është urgjentisht i nevojshëm” shkruan ajo.
An independent investigation of this case and similar cases of abductions of turkish citizens abroad is urgently needed. @hrw @hrw_de @coe @Dunja_Mijatovic @SLagodinsky https://t.co/0LIBQ5fEVA
— Rebecca Harms (@RebHarms) January 4, 2020
Katër ditë më parë, eurodeputetja Ramona Strugariu kritikoi qeverinë shqiptare dhe kryeministrin Edi Rama për shkelje të Konventës së Këshillit të Evropës për ekstradimin. “Kryeministri i Shqipërisë Edi Rama, Shqipëria ka firmosur Konventën e Këshillit të Europës mbi ekstradimin. Ju thoni se Shqipëria është gati për në BE. Atëherë ju lutem respektoni nenin 19, pika 2 të Kartës Europiane për të Drejtat Themelore dhe mos e ekstradoni Harun Çelik në Turqi!” shkruajti ajo në Twitter.
Prime Minister Edi Rama, Albania signed the CoE Convention on extradition. Moreover, you say Albania is ready for the EU. Then please follow art.19, al. 2 EU Charter of Fundamental Rights and do not extradite #HarunÇelik to Turkey!@Europarl_EN @AlMissionEU
— Ramona Strugariu MEP (@RamonaStrugariu) January 1, 2020
Harun Çelik me profesion mësues, u arrestua pesë muaj më parë në aeroportin e Rinasit teksa përpiqej të largohej drejt Kanadasë me vizë kanadeze të falsifikuar. Ai akuzohet nga autoritetet turke si anëtar i lëvizjes së Fethullah Gülen, ish-aleatit të Presidentit Edrogan, i akuzuar si terrorist dhe si organizator i grushtit të shtetit të vitit 2016.
Çelik kishte kërkuar azil politik në Shqipëri pasi sipas tij në Turqi i rrezikohej jeta por kjo gjë nuk u mor parasysh nga autoritetet shqiptare të cilat vendosën ta dëbojnë atë në Turqi më 1 janar ku dhe u arrestua menjëherë.
Vetëm pas 4 ditësh, ky ekstradim ka sjellë reagimin e dy prej europarlamentarëve të BE-së. Një situatë e ngjashme ndodhi edhe në Kosovë në vitin 2015 ku u dëbuan 5 persona. Për këtë kryeministri Haradinaj shkarkoi nga detyra shefin e shërbimit sekret dhe ministrin e brendshëm pasi pretendoi se ai nuk kishte patur dijeni për këtë çështje. /Opinion.al
